Fase 1. Estudo das necesidades e especificidades do sector: O estudo técnico que realizará este traballo fará unha análise pormenorizada mediante unha serie de xuntanzas, visitas a barcos e participación en xornadas técnicas co fin de ver as necesidades reais do sector da acuicultura. Para esta fase contarase coa colaboración da Asociación de Productores Mejilloneros de Cabo de Cruz.

Fase 2. Tras estudar as distintas necesidades do sector avaliaranse desde o punto de vista técnico e normativo para definir ata que punto poden ser acadadas en cada caso. A continuación, procederase ao deseño do modelo mediante equipos de realidade virtual para acadar un prototipo de embarcación a escala 1:1. Esta técnica está a ser empregada en fase experimental para deseño de automoción pero oficina técnica INGEMAR conta cunha ampla experiencia na aplicación destas ferramentas en embarcacións e buques de ata 50 metros de eslora e proxectos de máis de 40 millóns de euros. Estes sistemas amosan importantísimas vantaxes para os tres sectores no deseño de embarcaciones. O armador pode visitar a embarcación antes de ser construída e modificar todas aquelas cousas que sexan técnica e normativamente viables e o enxeñeiro pode detectar e eliminar con facilidade os erros de deseño -que os actuais deseños 3D non permiten-, detectar e comprobar rutas de montaña, comprobar a seguridade no traballo a bordo, establecer os equipos e sistemas de traballo na embarcación pensando en ergonomía e seguridade no traballo, etcétera. Nesta fase, a oficina técnica elaborará todas as especificacións técnicas do modelo e por extensión das futuras embarcacións co obxectivo de acadar a máxima eficiencia enerxética, máximo respecto do medio ambiente, máxima seguridade, e a incorporación da muller os traballos da acuiltura. 

Fase 3. Nesta fase introducirase unha nova ferramenta destinada ao persoal técnico do asteleiro que permitirá a visualización do manual de montaxe en formato 3D. Trátase dunha aplicación IPAD que permite consultar a pé de obra toda información resolvendo dúbidas a reducindo os tempos de montaxe. Despois de ter realizado todo este proceso, o asteleiro poderá comezar a ofrecer un novo tipo de embarcación aos armadores.