ASTELEIROS TRIÑANES: Proxecto de deseño de novo modelo de embarcación para o sector acuícola e elaboración de molde para diversificación da actividade do asteleiro
Realización dun estudo para deseñar un novo modelo de embarcación innovadora destinada ao sector acuícola, especialmente para o mexillón, co obxetivo de diversificar a súa produción e adaptala ás necesidades e demandas actuais dos armadores.
Este proxecto debería permitir a curto prazo fomentar o cadro de persoal nunha persoa a tempo completo, e a longo prazo mesmo incrementalo nun 20%.
O proxecto localizarase no propio estaleiro onde se coordinarán todos os diferentes procesos para acadar a construcción final dun prototipo de embarcación tamén chamado ‘molde a fondo perdido’. Trátase dun prototipo que realizará un asteleiro especialista neste tipo de traballos e que consiste no deseño dun novo concepto de embarcación multicasco para a acuiltura, que ofrece aos bateeiros a posibilidade de contar cun centro de procesado de molusco innovador, seguro, eficiente e respectuoso co medio ambiente.
Contribución aos retos dos GALP cara o 2020:
Si Non
Contribución:
Política pesqueira común Crecemento azul Cambio climático e transición enerxética a unha economía de baixas emisións de carbono Creación de emprego e integración social (mulleres, mozos/as e inclusión social)
NERO desenvolverá sistemas avanzados de monitorización basados en sensores embebidos non invasivos, que permitan levar a cabo procesos de fabricación e reparación de estruturas de material composite máis eficientes e medioambientalmente sostibles, e qué a sua vez, proporcionen información do comportamento estrutural durante a vida en servizo das estruturas fabricadas.
A iniciativa NERO, nace da necesidade de controlar e monitorizar os procesos de fabricación, reparación e vida en servizo de estruturas producidas en materiais compostos, un ámbito en plena expansión e que está experimentando nos últimos anos un crecemento vertixinoso. Os materiais compostos están considerados actualmente como uns dos materiais estratéxicos nos procesos de fabricación do futuro, polo alto impacto funcional e de redución do peso que aportan nun gran abano de sectores. Desta forma, os sistemas de monitorización que se desenvolverán no proxecto contribuirán a solventar algunhas das principais barreiras para a introducción destes materiais no contorna industrial, como son, o elevado consumo de recursos, baixos ratios de automatización e un alto porcentaxe de rexeitamentos, o que incrementa de maneira significativa os custes de produción. En base a estes antecedentes, o proxecto NERO desenvolverá, mediante técnicas de monitorización ad hoc basadas en sensores de fibra óptica e movilidade iónica, sistemas de monitorización e control dos procesos de fabricación e reparación de composite en distintos casos de uso e sectores industriais de relevancia en Galicia, nos que se utilizan de forma intensiva os materiais compostos: fabricación de embarcacións (sector naval), fabricación de depósitos de almacenamento de líquidos (sector químico) e reparación de
palas eólicas (sector das enerxías renovables). Tamén, diseñarase un sistema de monitorización do comportamento estrutural en servizo dos depósitos de almacenamento para detectar filtracións, a través do deseño dun sistema de alerta. Os resultados que se esperan obter co proxecto NERO son:
▪ Establecer unha correlación robusta entre os parámetros fundamentais dos procesos de fabricación de materiais compostos e as sinais obtidas cos sensores de fibra óptica e de movilidade iónica, que permita medir con precisión a chegada e o grado de curado da resina. ▪ Desenvolver un software específico de monitorización a partires da correlación das sinais dos sensores cos puntos críticos da fabricación/reparación, para ter información on-line dos procesos de fabricación e comportamento en servizo dos compoñentes fabricados. ▪ Caracterizar mecánicamente o material composto con sensores embebidos e correlacionar as sinais dos sensores de fibra óptica co fenómeno que esté ocurrindo no material, de cara a detectar as microdeformacións que teñen lugar no material para monitorizar o seu comportamento en servizo, e poder crear un sistema de alerta para detectar fugas. ▪ Xerar un sistema de alerta para a detección de fugas en depósitos de almacenamento mediante a análise e interpretación das sinais a través de técnicas de aprendizaxe supervisado mediante algoritmos Machine Learning. ▪ Un aforro dun 10% nos custes totais de fabricación de subcompoñentes para barcos e reparación de palas e dun 20% na fabricación de depósitos de almacenamento de químicos corrosivos. ▪ Aforrar un 15% do consumo enerxético e reducir a emisión de compostos orgánicos volátiles, así como do material desfeito ata un 20% nos procesos de fabricación de barcos e reparación de palas. ▪ Aforrar un 30% de consumo enerxético e reducir a emisión de volátiles, así como do material descartado en ata un 40% nos procesos de fabricación de depósitos de almacenamento.
CONSORCIO NERO Para afrontar este ambicioso reto, consolidouse un consorcio multisectorial de empresas galegas, todas elas PEMEs, coas capacidades complementarias e o coñecemento necesario para cubrir toda a cadea de valor do proxecto:
GALVENTUS SERVICIOS EÓLICOS, líder do consorcio, con ampla experiencia en procesos de inspección, mantemento, reparación e peritaxe de pezas de materiais compostos no sector eólico e que no ámbito do proxecto será usuario final do sistema de monitorización para a reparación de palas eólicas. ASTELEIROS TRIÑANES, asteleiro que fabrica e repara embarcacións de composite de distinta tipoloxía (dornas, pesqueiros, auxiliares de acuicultura) e usuario final do sistema de monitorización NERO para a fabricación de barcos. FIBERGLAS, empresa pioneira na fabricación de produtos de poliéster reforzado con fibra de vidro, plásticos reforzados e termoconformados e usuario final do sistema de monitorización en fabricación e comportamento en servizo de depósitos de almacenamento de líquidos. RESINAS CASTRO, empresa especializada na fabricación e comercialización de todo tipo de produtos relacionados co sector dos composites e que aportará seu know-how no comportamento e monitorización destes materiais. TECDESOFT, enxeñería especializada no tratamento de datos provintes de sistemas sensores ou desenvolvemento de plataformas de supervisión en tempo real, para numerosos sectores, que se encargará da integración do software de control nos sistemas de monitorización.
O consorcio conta coa colaboración de AIMEN Centro Tecnolóxico, centro especializado no deseño, caracterización e desenvolvemento de materiais de altas prestacións, así como no desenvolvemento de sistemas de sensorización e tratamento de datos para procesos de fabricación avanzada.
FINANCIAMENTO DO PROXECTO:
O proyecto NERO, enmarcado no programa CONECTAPEME 2018, está financiado pola Xunta de Galicia a través da Axencia Galega de Innovación (GAIN) e o apoio da Consellería de Economía, Emprego e Industria e está cofinanciado con cargo a Fondos FEDER no marco do eixo 1 do programa operativo Feder Galicia 2014-2020.
Gerardo Triñanes, xerente de Asteleiros Triñanes Domínguez, S.L. ven de realizar un curso intensivo de composites impartido por Resinas Castro. Foi unha experiencia moi enriquecedora pola alta calidade da temática tratada e dos profesores; Alejandro Castro na parte teórica e Pedro Riveiro na parte práctica.
Por imperativo dos tempos construiremos en P.R.F.V. ,iso si, sen abandonar a filosofía e as enseñanzas que a carpintería de ribeira e os nosos mestres artesáns nos deixaron, apostando sempre pola calidade e o respecto ao medioambiente i empregando as mellores técnicas e productos do mercado.
Os nosos parabéns para o magnífico equipo de profesores e para os compañeiros , foi unha pracer poder compartir con voseste curso e coñecervos a todos.
Esta semana remataron os traballos de reformama da nova zona expositiva do estaleiro. Os obxectivos deste proxecto, co-financiado entre os Grupos de Acción Local do sector Pesqueiro da Ría da Arousa, a Xunta de Galicia (Consellería do Mar) e a Unión Europea a través do Fondo Europeo Marítimo de Pesca (FEMP), baséanse en tres estratexias principais:
A divulgación dos saberes e modos da Carpintería de Ribeira.
O ensino desta arte ás novas xeracións.
A recompilación e exposición do material histórico, patrimonial e etnográfico de interese cultural e marítimo.
Para levar a cabo estes obxectivos fíxose unha reforma estrutural dunha zona do estaleiro para acondicionala como zona visitable , dotouse a zona visitable de fondos patrimoniais que constan de:
Realización de planos de disposición xeral en 3D e de planos de formas convencionais enmarcados en láminas para a exposición ó público. Estes planos foron realizados en base a entrevistas e investigacións realizadas aos propios mestres artesáns carpinteiros de ribeira, reproducindo as formas orixinais das embarcacións tradicionais galegas evitando así a perda do saber facer que aínda atesouran o poucos mestres que aínda quedan e as formas orixinais das embarcacións tradicionais galegas.
Deseño, maquinación e impresión de 4 paneis explicativos onde se amosa a historia e as técnicas construtivas de cada embarcación.
Construíronse dúas replicas a escala de embarcacións tradicionais: unha lancha xeiteira e unha traíña de tipoloxía única do Cabo da Cruz.
Dende Asteleiros Triñanes Domínguez estamos comprometidos co patrimonio marítimo e cultural da carpintaría de ribeira para achegar ao público a cultura mariñeira tradicional, por en valor a construción naval en madeira en canto a protección do medio ambiente e do medio mariño, preservar e por en valor o patrimonio marítimo para reforzar a identidade da zona costeira co mundo mariñeiro e potenciar o coñecemento da cultu ra tradicional mariñeira e da carpintería de ribeira.
Se sodes un namorados do mundo da pesca non podedes deixar de ver este proxecto da Mancomunidade de municipios Arousa Norte. http://almadomararousanorte.com Dende a emoción, e as historias persoais de vidas vinculadas á cultura mariñeira buscan promocionar e difundir a pesca en Arousa Norte.
Tivemos a honra de participar neste proxecto onde puidemos contar a nosa experiencia e a nosa visión do mundo do mar. Aquí o tendes:
Nun dos paraxes mais fermosos do concello de Boiro de fina e branca area atopase a praia da Ladeira, este areal é a alternativa que teñen os bañistas cando na retorta ou en cargueiros soplan ventos do sur, ventos que a limpan xa que de outros coidados moi pouco sabe este recuncho da peninsula do chazo, de extraordinaria beleza é esta peninsula, que o visitante debe percorrer comenzando polo litoral para logo subir o monte do chazo e a Gurita, mellor nesas horas cando o día apura o último suspiro, o luscofusco enrredará os sentidos tratando de retelo o momento, porque entrastes de cheo no corazón da Ría da Arousa para atraparche co feitizo do seu mar.
Hai ocasións en que esquecer pode ser tan importante como lembrar, mesmo máis difícil. Pero cando falamos de acontecementos que afectan a un pobo, o recordar convértese nun exercicio inevitable porque a historia está ahí precisamente para recordala.
Escoitar ós maiores relatar experiencias pasadas permíteche viaxar no tempo e na memoria: recordar o pasado e reflexionar sobre el axúdanos a ser máis tolerantes e posibilita advertir o risco que produce nestes tempos a nosa carreira por posuír todo sen gozar de nada.
No ano 1924, José Lourenzo Ribadulla e a súa muller, Rita Miranda, seguramente debatían sobre o destino duns aforros que ela pretendía foran para comprar unha finca de 80 ferrados anexa á súa casa da Charola, en Cespón, que xa tiña unha superficie de 120 ferrados, mentres que o seu home defendía a idea de construír un barco de carga para dedicarse ó transporte de mercadorías. Seguramente a Rita, pese a non saír adiante a súa idea, lle encantou que o Balandro que mandou construír Xosé levara o nome de CHAROLA en honor a casa onde ela nacera e onde vivían os dous.
